Unitu

Ewch draw i wefan Unitu i actifadu eich cyfrif a dechrau rhyngweithio â'r platfform.
Gallwch lawrlwytho Unitu i'ch dyfeisiau personol, gan ei gwneud hi'n gyflym ac yn hawdd i chi rannu eich adborth, eich canmoliaeth a'ch awgrymiadau mewn amser go iawn?

Lawrlwytho o'r Apple App Store neu gallwch ei gael ar Google Play.

Rydym yn gwybod, fel myfyrwyr, eich bod yn cael eich annog i sefydlu grwpiau ar Facebook ac ar blatfformau cyfryngau cymdeithasol eraill er mwyn rhannu syniadau, gofyn cwestiynau a siarad am faterion.

Er bod hon yn ffordd dda ichi rannu eich syniadau, mae'n anodd iawn i staff, cydweithwyr a'r Brifysgol ehangach ymgysylltu yn y trafodaethau hyn ac ymateb i adborth.

Drwy eich annog i gyflwyno'ch adborth ar Unitu, bydd yn creu mwy o dryloywder ac yn ein galluogi i ymateb i'ch adborth yn gynt.

Efallai na fyddwn yn ymwybodol o bethau sy'n cael eu postio mewn grwpiau cyfryngau cymdeithasol preifat, sy'n golygu na allwn eich helpu!

Caiff byrddau Colegau eu monitro gan staff a Chynrychiolwyr Myfyrwyr. Wrth i faterion a syniadau gael eu mynegi a'u trafod, gall staff a chynrychiolwyr ymateb a rhoi'r wybodaeth ddiweddaraf am gynnydd.

Mae Colegau'n rhannu adborth o Unitu yn fforymau staff a myfyrwyr, sy'n golygu bod materion yn cael eu trafod a'u datrys cyn gynted â phosib, heb ichi orfod aros am hwy nag sy'n angenrheidiol.

Caiff bwrdd y Brifysgol ei fonitro gan staff gwasanaethau proffesiynol, sy'n gallu ymdrin â materion mwy cyffredinol y Brifysgol. Bydd yr aelodau staff hyn yn gallu ymateb a rhoi'r wybodaeth ddiweddaraf, fel y gall staff Colegau!

Mae gan bawb ar eich cwrs fynediad i'ch bwrdd Coleg. Ar fwrdd cyffredinol y Brifysgol, mae gan yr holl fyfyrwyr o'r Colegau sy'n defnyddio Unitu fynediad (sef Coleg y Celfyddydau a'r Dyniaethau,
Y Coleg, Y Coleg Peirianneg, Coleg y Gwyddorau Dynol ac Iechyd, Yr Ysgol Reolaeth a'r Coleg Gwyddoniaeth ar hyn o bryd).

Unwaith bydd neges yn cael ei phostio'n gyhoeddus gan Gynrychiolydd, mae'n symud i'r ail ardal. Yn yr ail ardal, gall staff weld y negeseuon. Bydd y rhain yn staff allweddol yn eich Coleg, gan gynnwys eich Arweinwyr Ymgysylltu â Myfyrwyr yn ogystal â staff nad ydynt yn rhan o'r Coleg (er enghraifft, y Swyddog Teithio Cynaliadwy neu aelod o dîm MyUniHub).

Mae gan Gyfarwyddwyr Dysgu ac Addysgu hefyd fynediad at fyrddau'r Colegau, sy'n golygu y byddwch yn cael ymateb gan y lefel uchaf yn eich coleg.
Peidiwch ag anghofio, gallwch chi bostio negeseuon yn anhysbys os ydych yn dymuno!

Mae'r holl ddefnyddwyr yn cytuno i delerau defnyddio wrth greu eu cyfrif Unitu. Mae hyn yn cynnwys y polisi tair streic am gynnwys amhriodol;

1) Adrodd wrth y Brifysgol
2) Colli'r hawl i anhysbysrwydd
3) Colli mynediad i Unitu.

Yn ogystal, gall y staff a myfyrwyr roi gwybod i Unitu am sylwadau amhriodol neu ddifrïol. Caiff y cynnwys ei dynnu o'r safle a chymerir camau disgyblu'n erbyn yr unigolyn sy'n gyfrifol am y sylw.

Unitu Content Policy