Arolwg Iechyd Meddwl a Lles

students sitting on steps in front of fulton house swansea university

Helpu i lunio dyfodol iechyd meddwl a lles myfyrwyr

cymryd yr arolwg

Beth sydd ynghlwm wrth hyn?

Hoffem wybod mwy am eich iechyd cyffredinol, eich lles a'ch gallu i ffynnu yn ystod eich amser yn y brifysgol.

Drwy ateb cwestiynau ynghylch y ffynonellau cymorth rydych yn eu ceisio, eich ymwybyddiaeth o'r gwasanaethau sydd ar gael a'ch profiadau o wasanaethau lles y Brifysgol, byddwch yn rhoi i ni wybodaeth werthfawr am sut dylen ni ddyrannu adnoddau i gefnogi myfyrwyr.

Mae'n cymryd tua 15 munud i gwblhau'r arolwg hwn, ac i ddiolch i chi, bydd pawb sy'n ymateb yn derbyn taleb £3 i'w defnyddio i brynu bwyd ar y campws. Bydd eich enw hefyd yn cael ei gynnwys mewn raffl i ennill talebau Amazon gwerth £25.

Beth yw'r diben?

Mae iechyd meddwl a lles myfyrwyr yn flaenoriaeth i brifysgolion ledled y DU, fodd bynnag mae ein dealltwriaeth o'r ffactorau sy'n effeithio ar iechyd meddwl a lles yn gyfyngedig. Hoffem sicrhau bod y Brifysgol yn darparu'r gwasanaethau cymorth priodol sy'n diwallu anghenion myfyrwyr, a bod myfyrwyr yn gwybod ble a sut i fanteisio ar y cymorth hwn.

Bydd yr arolwg hwn yn cyfrannu at astudiaeth genedlaethol a arweinir gan NHS Southern Health a fydd yn cyfuno canfyddiadau prifysgolion ledled y DU i lunio polisi cenedlaethol a sicrhau bod darpariaethau cymorth yn cael eu hariannu'n ddigonol i ddiwallu anghenion myfyrwyr.

Cyfle i ddweud eich dweud

Oes gennych chi 15 munud i'n helpu i ddeall iechyd meddwl a lles myfyrwyr a beth sy'n effeithio ar ansawdd bywyd myfyrwyr?

cymryd yr arolwg

Cwestiynau Cyffredin

A fydd fy nghyfranogiad yn yr astudiaeth yn cael ei gadw’n gyfrinachol?

Bydd yr holl wybodaeth sy'n cael ei chasglu yn ystod yr ymchwil yn cael ei chadw'n hollol gyfrinachol. Gofynnir i chi ddarparu eich cyfeiriad e-bost yn unig a chaiff hwnnw ei ddileu o'ch ymatebion fel na fydd modd i neb eich adnabod. Caiff yr holl ddogfennau eu cadw mewn cabinet ffeilio dan glo yn yr adran Ymchwil.

Beth fydd yn digwydd os nad ydw i am barhau â’r astudiaeth?

Mae eich cyfranogiad yn wirfoddol, a gallwch chi newid eich meddwl wrth i chi gwblhau'r holiadur (neu cyn hynny). Mae gennych chi'r hawl i dynnu'n ôl o gymryd rhan yn yr arolwg cyn ei gyflwyno. Pan fyddwch chi wedi cwblhau a chyflwyno'r arolwg, ni fydd modd i chi dynnu eich atebion yn ôl - ni fydd yr atebion i'r arolwg yn cynnwys manylion personol.

Beth fydd yn digwydd i ganlyniadau’r astudiaeth ymchwil?

Caiff y data sy'n cael eu casglu yn yr astudiaeth eu dadansoddi a bydd adroddiad yn cael ei lunio ar sail hynny. Caiff y canlyniadau eu lledaenu drwy eu cyhoeddi mewn cyfnodolion a adolygir gan gymheiriaid a thrwy gyflwyniadau mewn cynadleddau. Ni fydd unrhyw adroddiad neu gyhoeddiad yn cyfeirio atoch chi. Defnyddir y canfyddiadau hefyd i ddatblygu ymagweddau yn y dyfodol at gefnogi lles meddyliol myfyrwyr mewn prifysgolion. Byddwn yn darparu crynodeb o'r canlyniadau i gyfranogwyr ar ddiwedd yr astudiaeth.

Pwy sy’n trefnu ac yn ariannu’r ymchwil?

Ymddiriedolaeth y GIG Southern Health, ar y cyd â Phrifysgol Southampton, sy'n trefnu'r ymchwil hon a chaiff ei hariannu drwy Ddyfarniad Uwch-ymchwilydd (RCF) yr NIHR.

Beth os oes problem?

Mae gan Ymddiriedolaeth y GIG Southern Health yswiriant priodol rhag ofn y bydd rhywun yn dioddef niwed o ganlyniad uniongyrchol i gymryd rhan yn yr astudiaeth hon, ond mae hyn yn annhebygol iawn o ddigwydd. Os hoffech gwyno am unrhyw agwedd ar y ffordd mae rhywun sy’n rhan o’r astudiaeth wedi cysylltu neu ymdrin â chi, neu sut mae eich gwybodaeth wedi cael ei thrin yn ystod yr astudiaeth, cysylltwch â Dr Peter Phiri.

Ble gallaf ddod o hyd i gymorth?

Os oes angen cymorth arnoch chi, a wnewch chi gysylltu â’r Gwasanaethau Cymorth i Myfyrwyr ar 01792 295592 neu drwy e-bostio: wellbeing@abertawe.ac.uk. Mae cymorth ar gael hefyd drwy eich meddyg teulu eich hun neu drwy ffonio'r GIG ar 111.